Bénvnowe a tertos!![[FRP] Bénvnowe ey esplicaedjes Invitacionoq2](https://2img.net/r/ihimizer/img411/7781/invitacionoq2.png)
Ci dzo-forom ci c' est pol fiesse di mariaedje di Pau Claramunt eyet Lulu Bathory, do djeu des Riskepiants Rweyåmes.
Si vos n' savoz nén kî ou cwè k' c' est, c' est surmint ki vos vs avoz pierdou sol Daegntoele
Po les ôtes, c' est surmint ki vos avoz stî priyîs ou mariaedje, ou ki vos avoz vnou avou onk k' a stî priyî (ou motoit minme ki vos cnoxhoz onk des deus mariyîs, et avoz vnou sins esse priyî ou po magnî ene miete di wastea; i gn a bråmint del djin, ça fwait ki si vos vs kidujhoz a môde di djin sins vs fé vey des wådes, vos pôrîz passer)
Asteure, kékès ptitès esplikêyes FRP (Foû-RP, foû djeu d' role).
Po cmincî, l' idêye c' esteut di fé l' fiesse sol nef di Lleida, sol forom oficir; mins avou l' candjmint d' rîles so ç' forom la, i gn åreut yeu k' les cis ki s' trovrént al veye IG ki pôrént pårticiper, bråmint des priyîs årént stî foû
Mins ureuzmint, li djouweuse da Mågrite a stî bén binamêye di nos fé ene pitite plaece dins l' forom di s' famile, ci cial.
Et vo nos la!
On-z a rcopyî l' contnou do vî fyi do forom oficir dins l' fyi
[RP] Lulu y Claramunt en la iglesia (Lulu eyet Claramunt a l' eglijhe) ki mostere cwand on va fé l' dimande oficire amon l' priyesse de Lleida, Dom Roger de Gràcia; eyet après contrinouwer avou des sovnances da Lulu ou da Claramunt, so des sacwès ki s' ont passé les moes di dvant, et ki racontèt ene miete comint i s' ont rascontré et veyous voltî.
Li mariaedje a l' eglijhe si frè sol forom oficir (c' est ene obligåcion do djeu, po-z esse ricnoxhou valide pa l' Eglijhe Aristotelicyinne)
Et li fiesse di marieaedje leye-minme si frè cial, dins èn ôte fyi.
On profitrè eto k' i n' a nén des obligåcions so les lingaedjes cial, po vs leyî a tchaeconk li liberté di scrire come vos l' voloz, pocwè nén.
Po lére les tecses sicrîts e catalan, vos ploz eployî l' waibe shuvante: http://traductor.gencat.cat/
(ki ratoune di/viè l' catalan viè/do francès/castiyan/inglès/almand)
Po lére les tecses sicrîts e castiyan, vos ploz eployî l' waibe shuvante:
http://tr.voila.fr/traduction_voila.php
(ki ratoûne di/viè l' castiyan viè/do francès)
Si vos scrijhoz dins èn ôte lingaedje ki castiyan, catalan ou francès, come i n' a pont d' ratourneu otomatike, ça sereut bén di mete on ptit rascourti dins onk di ces lingaedjes la, po k' les ôtes vos polexhe lére.
Li castiyan est l' lingaedje ki l' pus di djins amon les priyîs comprindèt.
Po-z apontyî vosse profil (lingaedje di l' eterface, vizaedje, sinateure,...) vos dvoz aler sol loyén "
Profil / Perfil", eyet dins
- "Informåcion" vos ploz defini l' plaece ki vos estoz, vost ådje, djinre,...
- "Preferinces" vos ploz tchoezi l' lingaedje po l' eterface, eyet si vos vloz radjouter vosse sinateure a vos messaedjes
- "Sinateure" vos î ploz defini vosse sinateure
èn rovyîz nén di mete dins Preferinces ki vos l' voloz eployî (radjouter åzès messaedjes) sins cwè ele ni s' voerè nén
- "Vizaedjer" bén çoula, li vizaedje (avatar) ki vos vloz eployî
Pol restant, dji vs rapele ki l' fiesse di mariaedje est on fyi RP; dji frè disfacer tot messaedje FRP ki s' î trovreut.
Eto, po k' ça soeye pus åjhey, il est possibe po les cis ki n' vôrént nén, di scrire sins edjîstrer on contre sol forom; mins on n' acceptêyrè nén les cis ki eployrént çoula po vni fé des problinmes; les wådes del fiesse riwaitront a tot, et tapront foû les måpolis.
Asteure, boune fiesse, eyet passez al såle di recepcion...
